EXPOSICIÓN FOTOGRÁFICA DE XOSÉ ABAD
O día 25 de abril, os alumnos de 1º de Bacharelato visitaron en Pontevedra, no Café Moderno Afundación, un proxecto fotográfico de Xosé Abad titulado Oficios entre Lusco e Fusco.
Xosé Abad fainos reflexionar sobre os oficios tradicionais que están en vías de extinción nos países desenvolvidos. Quizais neste intre esteamos a vivir os derradeiros momentos da coexistencia entre dous xeitos de fabricación ben diferenciados, e por iso é importante documentar este tránsito e toda a beleza a punto de desaparecer con eles.
Para acabar a visita os rapaces participaron nun taller de tipografía, un deses oficios que están a desaparecer.
