CELEBRACIÓN DO NADAL
O 18 de decembro o alumnado do Colegio Vigo contou coa visita do Rei Melchor e os carteiros reais que desde o Concello de Redondela viñeron buscar todas as cartas para os Reis Magos. O venres 20 de decembro levouse a cabo a tradicional festa de nadal; xa desde as primeiras horas da mañá nas aulas cantábanse panxoliñas, facíanse debuxos navideños e intercambios de postais antes da merendola onde os doces eran os protagonistas. Ás doce da mañá as familias achegábanse ao Centro para recibir a Papá e a Mamá Noel e os seus axudantes e acto seguido tivo lugar o festival de nadal onde todos os cursos participantes, desde infantil ata a segundo da ESO deleitáronnos cos seus orixinais villancicos.
