Cada 8 de marzo conmemórase a loita das mulleres por acadar unha igualdade de dereitos real contra todo tipo de violencia e discriminación. Un día para lembrar todos os avances conseguidos ata o de agora, pero tamén para denunciar o traballo que aínda queda por facer ante as desigualdades que continúan producíndose entre homes e mulleres en todo o mundo. Como cada ano o noso alumnado fixo múltiples actividades, lemos un manifesto, coñecemos a figura de Malala Yousafzai, símbolo internacional da loita da educación das nenas por opoñerse ás restricións dos talibáns no seu país natal, en Pakistán. Dar as grazas a alumna María Domínguez de 1° de bacharelato xa que debuxou un boceto para que os seus compañeiros e compañeiras coloreasen á vez que reflexionaban sobre a necesidade de celebrar este día.
8 marzo, 2022
